राजकीय मतभेदांवर विजय मिळवला
यवतमाळ जिल्ह्यातील कृष्णापूर गावात चार राजकीय पक्षांच्या स्थानिक नेत्यांनी आपापल्या पक्षाची परस्परविरोधी भूमिका किंवा विचारसरणी बाजूला ठेवली आणि २०१७ च्या वॉटर कप स्पर्धेत मिळून श्रमदान केले. या एका गावाने संपूर्ण देशासाठी एक आदर्श उदाहरण घालून दिले!

पारंपरिक पितृसत्ताकतेला आव्हान
सातारा जिल्ह्यातील कान्हेरखेड गावातील स्त्रियांनी पिढ्यानपिढ्या ‘गोशा पद्धतीनुसार’ वागण्याची सवय (कामासाठी बाहेर न पडण्याची पारंपरिक पद्धत) एवढ्या वर्षांनंतर प्रथमच मोडली. त्यांच्या कुटुंबांकडून मिळलेल्या पाठिंब्यामुळे, २०१६ च्या वॉटर कप स्पर्धेत मोठ्या प्रमाणावर स्त्रिया सहभागी झाल्या.

धार्मिक फूट सांधली गेली
औरंगाबाद जिल्ह्यातील जानेफळ गावात हिंदू-मुस्लिम समाज या स्पर्धेमुळे अधिक जवळ आला; कारण दोन्ही समाजांमधील दोन प्रभावी आणि समंजस नागरिकांनी परस्पर मतभेद बाजूला सारून २०१९ च्या वॉटर कप स्पर्धेदरम्यान पुनश्च मैत्रीचा हात पुढे केला.

दारूच्या व्यसनावर मात केली
बीड जिल्ह्यातील आनंदगावात उदय कुलकर्णी यांना त्यांच्या गावाला पाणीदार करण्याच्या ध्येयाने एवढे प्रेरित केले, की त्यासाठी त्यांनी जिद्दीने दारूच्या व्यसनावर मात करण्याचे ठरवले. २०१८ च्या वॉटर कप स्पर्धेदरम्यानते व्यसनमुक्त झाले आणि एका बड्या कंपनीत नोकरी मिळवण्यासाठी त्यांनी आपला प्रवास सुरू केला.

आणखी प्रेरक कथा इथे पाहा! >>